Boronzu Big Band ye un proyectu musical y cultural d’investigación, reinterpretación contemporánea y difusión del patrimoniu musical asturianu al traviés d’arreglos orixinales pa formación de big band.
La propuesta plantega la creación d’un archivu musical contemporaneu basáu na adaptación inédita de repertoriu tradicional asturianu al llinguaxe orquestal de big band, combinando investigación patrimonial, producción musical profesional, innovación artística, difusión cultural, documentación educativa y accesu abiertu a los materiales xeneraos.
El proyectu parte de melodíes y pieces interpretaes tradicionalmente con gaita, tambor y otres formaciones propies del folclor asturianu, desenvolviendo nueves orquestaciones orixinales pa una big band profesional.
El próximu sábadu 24 d’ochobre, nel Palaciu de Revillagigedo de Xixón, va tener llugar el conciertu de presentación de Boronzu, dientro de les Xornaes Musicales Villa de Xixón, con entrada de baldre hasta completar l’aforu.