El próximu sábadu 24 d’ochobre, nel Palaciu de Revillagigedo de Xixón, va tener llugar el conciertu de presentación de Boronzu, dientro de les Xornaes Musicales Villa de Xixón, con entrada de baldre hasta completar l’aforu.
Una reinterpretación de la música tradicional asturiana llevada al universu sonoru de la big band, respetando la esencia orixinal de cada canción al tiempu que esplora nuevos arreglos, harmoníes y ritmos inspiraos nel jazz.
Boronzu Big Band ye un proyectu musical nacíu n’Asturies col oxetivu d’avercar la música tradicional asturiana a nuevos públicos dende una perspectiva contemporánea y abierta. Inspirada nel soníu clásicu de les grandes big bands de jazz, la formación combina metales, seición rítmica y arreglos orixinales pa tresformar cantares populares y melodíes tradicionales en pieces enllenes de fuerza, dinamismu y emoción.
